tg-me.com/alweyaamosaweyarrrr2626/27744
Last Update:
#قصيدة لليلة الوداع
السيدة زينب تخاطب العباس
#وزن العكيلي
حيلي تهدم وشضل بيه
ياخويه اليله اوداعيه
ـــــــــ❀••❀ـــــــــ
لوداعك متهدم حيلي
اكعد يابو الغيره احجيلي
بهالغربه جاره سويلي
تدري محد ناضر ليه
ياخويه اليله اوداعيه..
✍الخادمة زينة الگريشاوية
ـــــــــ❀••❀ـــــــــ
مو تدري اعداكم توليني
ياكافل خدري وضي عيني
باجر آعداكم تسبيني
وناتي ابصدري مخفيه
ياخويه الليله اوداعيه..
✍ أم حيدر العباديه عماره
ـــــــــ❀••❀ـــــــــ
متحيره اليوم اورايدتك
حاجيني ياكفال اختك
غصبن عليه عايفتك
بعدك كادوني مسبيه
ياخويه الليله اوداعيه..
✍ام مرتضى الخزرجي
ـــــــــ❀••❀ـــــــــ
مهمومه اختك ياواليهه
اوداعك حيل امأذيهه
عگبك عدوانك تسبيهه
زينبكم ضلت محنيه
ياخويه الليله اوداعيه..
✍ام مهدي الفرطوسيه
ـــــــــ❀••❀ـــــــــ
اخر ليله واخر كعده
يماي وباجر يتبده
مابعد الكم كل رده
وتظلون ابروحي امنيه
ياخويه الليله اوداعيه..
✍ام فاطمة الزهراء
ـــــــــ❀••❀ـــــــــ
ياخويه آشحالي بفركاكم
صعبة ألتفت وما ألكاكم
وبحرك أخيامي وأنخاكم
وين أخواني أهل الحنيه
ياخويه الليلة اوداعيه..
✍آلــــّعــلّويِـــه آلّمٌوسويِــــۿ
ـــــــــ❀••❀ـــــــــ
شوفتكم امنيه ابروحي
وعليكم مايبطل نوحي
مايشفن للموت اجروحي
من اول عمري التاليه
ياخويه الليله اوداعيه..
✍️ ام احمد المنصوريه
ـــــــــ❀••❀ـــــــــ
ادري الودع لامايرجع
اول عمري شفته يوجع
ياخويه وياطيب المنبع
اوداعك ويأثر بيه
ياخويه الليله اوداعيه..
✍️ ام محمد الساري
ـــــــــ❀••❀ـــــــــ
تمت بعون الله بأقلام شاعرات رابطة سيد الشهداء عليه السلام غير مبري الذمه اليحذف الأسماء او يتلاعب بها..
https://www.tg-me.com/pl/آلّشآعرهً آلــــّعــلّويِـــه آلّمٌوسويِــــۿ/com.alweyaamosaweyarrrr2626
BY آلّشآعرهً آلــــّعــلّويِـــه آلّمٌوسويِــــۿ
Share with your friend now:
tg-me.com/alweyaamosaweyarrrr2626/27744